(اقبح من الذنب)
ماني بناسي هواكم يانظر عيني
ايامنا والليالي كيف بنساها
الحب ياسيد الزينات باليني
والنفس ياعظم في فرقاك بلواها
مدري وش اللي حصل من بينك وبيني
احلى سنين العمر يازين عشناها
تغيب عني بلاعذر وتخليني
واسباب صدك ترى بالحيل عفناها
تصد وتغيب ثم بالعذر تاتيني
اعذار واجد ترددها وحفظناها
اقبح من الذنب عذرك يامعنيني
ماللهجر عذر مير اسمع وش اتلاها
قررت اوادعك لو فرقاك يشقيني
لان الهجر علّ نفسي حيل واشقاها
لابد تشرب من اللي كنت تسقيني
ودنياي حاول تجاهلها وتناساها
الشاعر : سهم عتيبه
منقول
ليست هناك تعليقات:
إرسال تعليق